Fleire var lei seg da mange av landets telefonkioskar vart fjerna fordi dei ikkje lenger hadde nokon funksjon. I bygda Bjørkedalen i Volda tok lokalbefolkninga grep da Telenor kom for å fjerne telefonkiosken deira i 1997. Den raude telefonkiosken stod igjen som ett av få symbol mot fråflytting og nedbygging. Bygdefolket lenkja difor fast kiosken i store tømmerstokkar. Siden har han fått navnet Prillar-Guri etter sognfiguren, og har vore ein turistattraksjon i bygda. Nå har han fått nytt liv ved å bli lesekiosk.
>Programleiar Linda Eide har teke med historia om telefonkiosken på Bjørke i serien Norsk attraksjon, sjå episoden her.
Maria Parr
Maria Parr (f. 1981) er ein barnebokforfattar som debuterte med Vaffelhjarte i 2005. I 2009 fekk ho Brageprisen, Teskjekjerringprisen og Kritikarprisen for Tonje Glimmerdal. I 2017 kom Keeperen og havet ut, som Parr også fekk Brageprisen for. Ho handlar om dei samme karakterane frå Vaffelhjarte.
Nynorsksenteret
Kan du beskrive lesekiosken/prosjektet med fem ord?
Leseglede, nasjonalt, ny giv, variasjon, inspirerande.
Har du eit minne knytt til ein telefonkiosk?
Ikkje personleg før dette prosjektet. No har eg lært mykje om telefonkiosken på Bjørke.
Er det noko lokalhistorie knytt til telefonkiosken?
Mykje! På Bjørke slo innbyggarane ring rundt kiosken og lenka han fast med kjetting då Telenor prøvde å fjerne han. Dei hadde mist så mykje: butikken og postkontoret – så dei kunne ikkje misse telefonkiosken også!
Linda Eide har teke med historia om telefonkiosken på Bjørke i serien Norsk attraksjon, som man kan sjå her.
Korleis har lesekiosken verte tatt imot i lokalsamfunnet?
Bydefolket er glade for at telefonkiosken har blitt pussa opp skikkeleg, og utan at dei sjølve måtte gjere det på dugnad. Dei set pris på å ha ulike bøker tilgjengeleg, sidan det er 30-40 minutt med bil til næraste bibliotek.
Kven håper du kjem til å bruke lesekiosken framover?
Innbyggarane på Bjørke og området rundt. Turistar om sommaren.
Kva er ditt beste bokfunn i lesekiosken?
Eg er glad det vart sendt ut så mykje forskjellig, og så har vi fått tilbakemelding om at det er positivt at det er ein del nynorskbøker.
Kva for ei bok bok vil du sette inn i lesekiosken fordi du vil at andre skal lese den, og kvifor?
Granittgutta. Dronemysteriet (Svein Jarle Åbrekk), fordi eg håpar at det kjem eit barn på 10-13 som oppdagar kor spennande den boka er.
